Samit Nuruzadə: «İdmançılar bu bacarıqları oyun zamanı da inkişaf etdirməlidirlər»


Bugünki ustad dərsləri həm məşqçilər, həm də basketbolçularımız üçün böyük təcrübə olacaq.
Bu sözləri «olimpinews.az» saytına açıqlamasında basketbol üzrə yığma komandanın baş məşqçisi Samit Nuruzadə deyib.
«Məşq prosesi əsasən, 8-10 yaş qruplarını əhatə edirdi. Ümumiyyətlə məşq prosesində fərdi bacarıqlara üstünlük verilməlidir. İngiltərənin Lids Universitetinin basketbol kafedrasının müdiri Metyu Niyubi də bu gün keçdiyi ustad dərslərində məşqçilərə məhz bu bacarıqları necə inkişaf etdirməyi aşılayırdı. İdmançılar bu bacarıqları oyun zamanı da inkişaf etdirməlidirlər. Bu tədbir əsasən, məşqçilərin təcrübələrinin artırılması üçün Basketbol Federasiyası tərəfindən həyata keçirilən bir addımdır. Yəqin ki, belə tədbirlər gələcəkdə də davam etdiriləcək. Bizim əsas məqsədimiz ölkəmizdə basketbolu inkişaf etdirmək, təcrübəli basketbol mütəxəssislərinin və bu idman növü ilə məşğul olan uşaqların sayını artırmaqdır. Federasiyanın dəstəyi ilə basketbolun inkişafı üçün nə lazımdırsa onu da etməyə çalışırıq. İnanıram ki, bugünki ustad dərsləri məşqçilərimiz üçün böyük təcrübə olacaq. Belə tədbirlərin tez-tez təşkil olunması basketbolçularımızın hazırlıq səviyyəsinin artmasında böyük rol oynayacaq», - deyə Samit Nuruzadə bildirdi.


Bu yazı

10207 dəfə oxunub

Tarix

2019-03-12 17:52:56

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev