Tokio Olimpiya Oyunlarına tam hazırdır



İyulun 24-də Yaponiya paytaxtının mərkəzində yerləşən "Tokio forum” sərgi kompleksində 2020-ci il Yay Olimpiya Oyunlarına bir il qalmış geriyə hesabın başlanması ilə əlaqədar təntənəli mərasim keçirilib.
Beynəlxalq Olimpiya Komitəsinin (BOK) rəhbəri Tomas Bax təbrik nitqi ilə çıxış edib. O qeyd edib ki, Tokionun qarşıdakı idman bayramına hazırlıq dərəcəsi ən yüksək qiymətə layiqdir.
T.Bax deyib: "Bir ildən sonra Yaponiyada tarix yaranacaq. Olimpiada yapon dostlarımızın bu ölkəyə xas olan ən yaxşı cəhətləri, o cümlədən zəngin tarixi, yüksək texnologiyaları, qonaqpərvərliyi dünyaya göstərmələri üçün nadir fürsət olacaq. Mən indiyə qədər heç vaxt heç bir şəhərin Olimpiadaya bir il qalmış həmin tədbirə bu dərəcədə yaxşı hazırlaşmasını görməmişəm”.
BOK rəhbərinin sözlərinə görə qarşıdakı Olimpiada Yaponiya üçün millətin birliyi rəmzi olacaq. Çoxsaylı biznes nümayəndələri bu hadisəyə maraq göstərib, on minlərlə könüllü Oyunların təşkilində iştirak etmək niyyətində olduğunu bildirib.
Mərasimdə Bax BOK üzvü olan bütün dövlətlərin idmançılarına, habelə qaçqınlardan ibarət yığma komandanın üzvlərinə 2020-ci il Olimpiadasında iştirak etmələri üçün rəsmi dəvətnamə imzalayıb.
Tədbirdə Yaponiyanın Baş Naziri Sindzo Abe, Tokio qubernatoru Yuriko Koike və "Tokio-2020” Təşkilat Komitəsinin rəhbəri Yosiro Mori də çıxış edib.
Xatırladaq ki, Tokio Olimpiadası gələn il iyulun 24-dən avqustun 9-dək, Paralimpiada isə avqustun 25-dən sentyabrın 6-dək keçiriləcək.


Bu yazı

4112 dəfə oxunub

Tarix

2019-07-24 13:43:00

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev