Voleybolçumuz Rumıniya klubunda oynayacaq



Voleybol üzrə qadınlardan ibarət milli komandamızın üzvü Anastasiya Bessonova karyerasını Rumıniyada davam etdirəcək.
İyirmi yaşlı hücumçu ölkə çempionu Alba Blaj klubuna transfer olub.
Voleybolçumuz Blaj şəhərinin təmsilçisi ilə bir illik müqavilə imzalayıb. O, yeni komandasına Avropa çempionatı başa çatdıqdan sonra qoşulacaq.
Xatırladaq ki, Azərbaycan yığması avqustun 23-dən sentyabrın 8-dək Budapeştdə keçiriləcək Avropa çempionatında mübarizə aparacaq. C qrupunda yer alan voleybolçularımız Macarıstan, Xorvatiya, Hollandiya, Estoniya və Rumıniya seçmələri ilə üz-üzə gələcəklər.



Bu yazı

7757 dəfə oxunub

Tarix

2019-08-11 16:13:46

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev