Fransa çempionatında ikinci turun oyunları keçirilib


Avqustun 18-də futbol üzrə Fransa çempionatında ikinci turun növbəti oyunu keçirilib.
Ötən mövsümün çempionu "Paris Sen-Jermen” səfərdə "Renn” klubu ilə üz-üzə gəlib. Görüş meydan sahiblərinin 2:1 hesablı qələbəsi ilə başa çatıb. Oyunda hesabı 36-cı dəqiqədə "Paris Sen-Jemen” Edison Kavaninin sayəsində açsa da, ardıcıl iki qol buraxan paytaxt təmsilçisi yeni mövsümün ikinci turunda məğlubiyyətlə üzləşib. Meydan sahiblərinin heyətində Mbaye Niyanq (44) və Romain Del Kostillo (48) fərqlənməyə nail olublar.
Qeyd edək ki, "Paris Sen-Jermen” birinci turda "Nimes” klubunu məğlub etmişdi (3:0).
Növbəti turda "Paris Sen-Jemen” doğma meydanda "Tuluza” klubunu qəbul edəcək, "Renn” isə səfərdə "Strasburq”un qonağı olacaq.
Üçüncü turun görüşləri avqustun 24, 25, 27 və 29-da keçiriləcək.


Bu yazı

3129 dəfə oxunub

Tarix

2019-08-19 10:30:26

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev