«Təhlükəni dərk etdikdə çox gec olur»


Formula 1 yarışlarının keçmiş pilotu Mark Zurer Formula 2 mərhələsinin Belçika yürüşü zamanı pilot Antuan Yuberin həlak olması ilə bağlı insidenti şərh edib. Zurer daha etibarlı təhlükəsizliyin təmin edilməsi üçün Spa trasının dəyişdirilməsinin vacibliyini vurğulayıb. O qeyd edib ki, son insident də bunu sübut edib. GrandPX.News saytı M.Zurerin sözlərini sitat gətirib: "Yəqin ki, birinci seksiyanı daraltmaq lazım gələcək. Belə olan halda Eau Rouge yenidən döngəyə çevriləcək. İndi pilotlar tam sürətlə yoxuşa qalxırlar. Təhlükəni dərk etdikdə çox gec olur”. Antuan Yuber avqustun 31-də aldığı ağır xəsarətdən xəstəxanada vəfat edib. Formula 2 mərhələsinin ikinci dairəsində fransız pilot Xuan Manuel Korrea və Marino Sato ilə birlikdə qəzanın mərkəzində olub. Onun 22 yaşı vardı. Korrea isə cərrahiyyə əməliyyatı keçirib. Onun hər iki ayağı sınıb və onurğa sümüyü zədələnib. Pilotun vəziyyəti sabitdir.



Bu yazı

6832 dəfə oxunub

Tarix

2019-09-03 11:15:05

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev