“Qarabağ” bu gün Lüksemburq klubu ilə qarşılaşacaq


Oktyabrın 3-də Ağdamın "Qarabağ” klubu UEFA Avropa Liqasının qrup mərhələsi çərçivəsində ikinci oyununu keçirəcək.
Rəqib Lüksemburqun "Düdelanj” klubudur. "Jozi Bartel” stadionunda təşkil olunacaq qarşılaşma Bakı vaxtı ilə saat 23:00-da başlayacaq. Qarşılaşmanın idarə olunması şotlandiyalı hakimlər briqadasına tapşırılıb. Görüşün əsas referisi Con Biton olacaq. Ona həmyerliləri Daniel Makfarlan və Duqlas Potter kömək edəcəklər. Donald Robertson isə dördüncü hakim funksiyasını yerinə yetirəcək.
Norveçli Yon Eylif Skyervold matçın hakim-inspektoru, avstriyalı Maykl Zoratti isə UEFA nümayəndəsi olacaq.
A qrupunda yer alan ağdamlıların digər rəqibləri Kiprin APOEL və İspaniyanın "Sevilya” komandalarıdır.
İlk turda "Qarabağ” öz meydanında "Sevilya”ya 3:0 hesabı ilə məğlub olub. "Düdelanj” isə səfərdə APOEL-ə qalib gəlib – 4:3.




Bu yazı

2964 dəfə oxunub

Tarix

2019-10-03 14:22:20

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev