Kişi həndbolçuların mübarizəsində ikinci tur


Kişi həndbolçular arasında Azərbaycan çempionatında ikinci turun oyunları keçirilib. "ABU Arena”nın meydançasına əvvəlcə U-18 və "Təhsil” komandaları çıxıblar. Gərgin idman mübarizəsi ilə yadda qalan
qarşılaşmada qapılara 54 qol vurulub. Əzmkarlıq nümayiş etdirən "Təhsil” komandası görüşü qələbə ilə başa vurub – 29:25.
Günün ikinci oyununda "Məhsul” və "Bakı” komandaları üz-üzə gəliblər. Daha böyük maraqla gözlənilən qarşılaşmada ölkə çempionunun imkanları yüksək qiymətləndirilirdi. Bu cür düşünənlər yanılmayıblar. Amma, "Məhsul”un asan qələbə qazandığını da söyləmək olmaz. Rəqibə kifayət qədər ciddi müqavimət göstərən "Bakı” cəmi 3 top fərqi ilə məğlub olub - 23:26.
Üçüncü turun görüşləri oktyabrın 26-da keçiriləcək. Həmin gün "Məhsul” U-18 komandasını, "Bakı” kollektivi "Təhsil”i sınağa çəkəcək.
Oktyabrın 23-də isə qadın həndbolçuların ölkə çempionatında növbəti turun oyunları olacaq. "Qarabağ” "Azərsu” ilə, "Azəryol” isə "İdman Akademiyası” ilə qarşılaşacaq.


Bu yazı

2435 dəfə oxunub

Tarix

2019-10-21 16:23:33

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev