Təmsilçimiz “Algeria İnternational 2019” turnirində ikinci yerlə kifayətlənib



Azərbaycan badmintonçusu Edi Reski Dviçayo Əlcəzairdə keçirilən "Algeria International 2019” turnirində gümüş medal qazanıb. Turnirin reytinq favoritlərindən sayılan badmintonçumuz 1/16 finalda hindistanlı Anant Şivam Jindalı 2:0 hesabı ilə məğlub edib. Dviçayo növbəti mərhələdə yerli idmançı Yosef Sabri Medel üzərində 2:0 hesablı qələbə qazanmaqla 1/4 finala yüksəlib. Bu mərhələdə Türkiyə təmsilçisi Emre Laleni 2:1 hesabı ilə üstələyən təmsilçimiz yarımfinalda Mavriki badmintonçusu Corcs Julyen Paulu mübarizədən kənarlaşdırıb - 2:0. Badmintonçumuz finalda turnirin 1 nömrəli reytinq favoriti, Bakıda keçirilən ilk Avropa oyunlarının qalibi ispan Pablo Abiana 0:2 hesabı ilə uduzub. "International Series” kateqoriyalı yarışı ikinci sırada başa vuran Dviçayo hesabına 2130 reytinq xalı yazdırıb.
Digər badmintonçumuz Ezmi Qovimuramadhoninin onaltıdabir finalda rəqibi yarışda iştirak etmədiyindən təmsilçimiz mübarizəyə 1/8 finaldan qoşulub. Təmsilçimiz bu mərhələdə Fransa təmsilçisi, bir çox "International” seriyalı yarışların qalibi Leo Rossiyə 0:2 hesabı ilə məğlub olub.



Bu yazı

2044 dəfə oxunub

Tarix

2019-10-28 12:22:09

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev