Cüdo üzrə Azərbaycan çempionatına yekun vuruldu


Bu gün Bakı İdman Sarayında keçirilən cüdo üzrə kişilər və qadınlar arasında Azərbaycan çempionatına yekun vuruldu. Olimpnews.az saytının məlumatına görə, iki gün davam edən yarışda paytaxtla yanaşı, respublikamızın müxtəlif bölgələrini təmsil edən 41 komandadan 340 cüdoçu mübarizə aparırdı. Çempionatın sonuncu günündə kişilərin mübarizəsində 5 çəki dərəcəsi üzrə qaliblərin adları müəyyənləşdi. Gərgin mübarizə şəraitində keçən yarışda Hidayət Heydərov (73 kq), Elvin Əhmədli (81 kq), Rüstəm Alimli (90 kq), Elxan Məmmədov (100 kq) və Uşangi Kokauri (100+ kq) Azərbaycan çempionu adına layiq görüldülər. Qaliblər medal və diplomlarla təltif olundular.

Məlumat üçün qeyd edək ki, yarışların birinci günündə qızların yarışında bütün, oğlanların mübarizəsində isə iki çəki dərəcəsində final görüşləri keçirilmişdi. Kişilərin mübarizəsində Vüqar Şirinli (60 kq) və Telman Vəliyev birinci yerə sahib çıxmışdı. Qadınların yarışında isə Leyla Əliyeva (48 kq), Səkinə Zairova (52 kq), Şəhanə Alməmmədova (57 kq), Xanım Hüseynova (63 kq), Validə Mirzəzadə (70 kq), Günel Həsənli (78 kq) bütün rəqiblərindən üstün olmuşdular.




Azər Əlizadə

Bu yazı

10231 dəfə oxunub

Tarix

2015-12-24 21:51:07

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev