Bakı 2020-ci ildə Avropa çempionatına ev sahibliyi edəcək




Ötən həftə Avropa Gimnastika İttifaqı (AGİ) İcraiyyə Komitəsinin Lozannada iclası keçirilib.

İclasda bir sıra məsələlərlə bərabər Azərbaycan Gimnastika Federasiyasının 2020-ci ildə idman gimnastikası üzrə Avropa çempionatının ölkəmizdə keçirilməsi ilə bağlı namizədliyi də müzakirə olunub. Müzakirələrdən sonra kişi idman gimnastikası üzrə 34-cü Avropa çempionatının mayın 6-10-da Bakıda təşkilinə qərar verilib.

 Qadınlar arasında idman gimnastikası üzrə 33-cü Avropa çempionatına ev sahibliyini isə 2020-ci il mayın 13-17-də Fransanın Paris şəhəri edəcək. Qeyd edək ki, Beynəlxalq Gimnastika Federasiyasının yeni qaydalarına əsasən, 2017-2020-ci illər üzrə Olimpiya dövründə Avropa çempionatları da lisenziya xarakteri daşıyır.
Məlumat üçün bildirək ki, Azərbaycan Gimnastika Federasiyası Tokio-2020 Yay Olimpiya Oyunlarına qədər gimnastikanın 3 növü üzrə (idman gimnastikası, batut gimnastikası, bədii gimnastika) lisenziya xarakterli Dünya kuboku mərhələlərinə və eləcə də bədii gimnastika üzrə Dünya çempionatına ev sahibliyi edəcək.




Bu yazı

23690 dəfə oxunub

Tarix

2017-02-06 14:18:40

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev