Ramil Quliyev: “Qızıl medalı atama həsr edirəm”




Türkiyəni təmsil edən azərbaycanlı yüngül atlet Ramil Quliyev dünya çempionatında qazandığı qızıl medalı mərhum atasına həsr edib.

Həmyerlimiz deyib ki, məhz atasının istəyi ilə hazırda yarışdığı idman növünü seçib: "Ona qədər başqa idman növləri ilə məşğul olmuşdum. Bir gün atam məni yüngül atletika məşqinə gətirdi.

Elə ilk gündəcə məşqçi dedi ki, sabah yarış var, iştirak edəcəksən. Cavab verdim ki, axı təzəyəm, yarışda necə iştirak edə bilərəm. Soruşdu ki, qaça bilirsən, "hə” dedim. Beləliklə, ertəsi çıxıb yarışda qaçdım və qalib oldum. Onda düşündüm ki, bu, nə asan idman növüdür. Sonra yüngül atletikaya davam etdim”.

Ramil Quliyev deyib ki, atası onun ən böyük azarkeşi və ilk məşqçisi olub: "Qızıl medalı atama həsr edirəm. Mən onu 2010-cu ildə itirdim. O, hər zaman inanırdı ki, mən dünya çempionu olacağam”.



Bu yazı

39839 dəfə oxunub

Tarix

2017-08-14 10:03:19

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev