Avrokuboklarda 6 klubumuz iştirak edə bilər

Avropa Voleybol Konfederasiyası (CEV) qadın və kişi klubların yeni reytinq cədvəlini açıqlayıb. Olimpnews.az saytının məlumatına görə, avrokubokdakı çıxışa əsasən tərtib olunan siyahılarda Azərbaycan müxtəlif pillələrdə qərarlaşıb.

Belə ki, qadın komandaların reytinqində ölkəmiz 9-cu yerdədir. Ötən illə müqayisədə 5 pillə geriləyən Azərbaycanın aktivində 221,99 xal var. 2014-2015, 2015-2016 və 2016-2017 mövsümlərinin nəticələrinə görə tərtib olunan cədvələ Türkiyə (489,67) başçılıq edir. Rusiya (459,34) ikinci, İtaliya (336,99) üçüncüdür.

Ölkəmizin 9-cu yerdə qərarlaşmağı avrokuboklarda 4 komanda ilə iştirak etməyimizə imkan verir. Belə ki, ölkəmiz Çempionlar Liqası və CEV kubokunda 1, "Çelenc Cup”da 2 komanda ilə təmsil oluna bilər. Qitənin ən nüfuzlu turnirində yeganə təmsilçimiz bu dəfə birbaşa qrup mərhələsində deyil, təsnifat mərhələlərində də oynamalıdı.

Kişi komandaların reytinqində isə ölkəmiz 39-56-cı yerlərə şərikdir. Aktivimizdə xal olmasa da, bu yer Azərbaycana Çempionlar Liqasının təsnifat mərhələsində və "Çelenc Cup”da 1 komanda ilə təmsil olunmağa imkan verir.

Bu siyahının ilk "üçlüy”ündə müvafiq olaraq, Rusiya (462,00), İtaliya (422,01) və Türkiyə (316,33) qərarlaşıb.


Bu yazı

30362 dəfə oxunub

Tarix

2018-03-13 14:12:38

Yazını

Çap et

Yazını

Paylaş

SON XƏBƏRLƏR
Medal sayı
Facebook