CÜDO
Cüdoçularımız "Böyük Dəbilqə" turnirində mübarizəyə başlayırlar
Bu gün Tacikistanın paytaxtı Düşənbədə keçirilən cüdo üzrə "Böyük Dəbilqə" turnirinə start veriləcək.
Olimpnews.az xəbər verir ki, ilk yarış günündə 2 cüdoçumuz tatamiyə çıxacaq.
-60 kq çəkidə mübarizə aparan Balabəy Ağayev 1/8 finalda Muhammad Fathur Rohman (İndoneziya) - Acıtı Dombuu (IJF) cütünün qalibi ilə üz-üzə gələcək.
Digər cüdoçumuz Yaşar Nəcəfov (-66 kq) isə 1/8 finalda Tacikistan təmsilçisi Exson Safarzoda ilə qarşılaşacaq.
Yarış bu gün Bakı vaxtı ilə saat 10:30-da başlayacaq.
Qeyd edək ki, üç gün davam edəcək "Böyük Dəbilqə" turnirində 27 ölkədən 226 (123 kişi, 103 qadın) cüdoçu mübarizə aparır. Azərbaycan təmsilçiləri mötəbər turnirdə 6 çəki dərəcəsində 8 cüdoçu ilə təmsil olunacaq.
Paylaş :
jpeg-1746163762.jpeg)
jpg-1745739538.jpg)
