FUTBOL
Dani Olmo "Barselona"dan gedir?
İspaniyanın "Barselona" klubu cari mövsümün sonunda Dani Olmonu transfer bazarına çıxaracaq.
"Olimpnews.az" "tribuna.com"a istinadən xəbər verir ki, gözlənilənləri Olmodan ala bilməyən klub rəhbərliyi 27 yaşlı ispaniyalı üçün gələcək təklifləri dinləməyə hazırdır. Kataloniyalılar hətta yarımmüdafiəçi üçün minimum 70 milyon avro tələb edəcək.
Qeyd edək ki, Dani Olmo 2024-cü ilin avqustunda Almaniyanın "Leyptsiq" klubundan 55 milyon avro qarşılığında transfer edilmişdi. O, kataloniyalıların heyətində 35 rəsmi oyunda iştirak edib, 11 qol vurub və 5 məhsuldar ötürmə ilə yadda qalıb.
Onu da əlavə edək ki, "Barselona" Akademiyasının yetirməsi olan Olmonun klubla müqaviləsi 2030-cu ilə qədərdir.
Paylaş :
