Qəbələ şəhərində Gənclər və İdman Nazirliyi (GİN), Müstəqil Dövlətlər Birliyinin (MDB) birgə təşkilatçılığı ilə “Qəbələ - MDB-nin Gənclər Paytaxtı 2025: Müxtəlifliyin və birliyin təntənəsi” beynəlxalq proqramı çərçivəsində MDB iştirakçı dövlətlərinin Gənclərlə iş üzrə Şurasının növbəti iclası keçirilib.
Bu barədə Gənclər və İdman Nazirliyinin mətbuat xidmətindən məlumat verilib. Gənclər və idman nazirinin müavini və MDB-nin Gənclərlə iş üzrə Şurasının sədri İndira Hacıyeva MDB ölkələri arasında gənclər sahəsində əməkdaşlığın inkişaf etdirilməsi baxımından iclasın əhəmiyyətini vurğulayıb.
Toplantıda MDB İcraiyyə Komitəsinin humanitar əməkdaşlıq, ümumi siyasi və sosial məsələlər departamentinin mədəniyyət, idman, turizm və gənclərlə iş sahəsində əməkdaşlıq şöbəsinin müdiri Tatyana Kovalyova, o cümlədən MDB iştirakçı dövlətlərinin gənclər işinə məsul qurumlarının rəhbər vəzifəli şəxsləri və nümayəndələri əyani və onlayn şəkildə iştirak ediblər.
İclas çərçivəsində gündəlikdə duran 12 məsələ üzrə müvafiq məruzələr dinlənilib, gənclər sahəsində görülmüş işlərlə bağlı təqdimatlar nümayiş olunub və müzakirələr aparılaraq gündəlikdə duran məsələlər üzrə Qərar layihəsi qəbul olunub.
“Qəbələ - MDB-nin Gənclər Paytaxtı 2025: Müxtəlifliyin və birliyin təntənəsi” beynəlxalq proqramı çərçivəsində tədbirlər davam edir.
 

View this post on Instagram

A post shared by Baki Tekstil Fabriki MMC (@btf.az)