Futbol üzrə UEFA Konfrans Liqasında II təsnifat mərhələsinin cavab oyunları keçirilib. 
Olimpnews.az xəbər verir ki, turnirdə ölkəmizi təmsil edən “Zirə” klubu Split şəhərindəki “Polyud” stadionunda Xorvatiyanın “Hayduk” komandası ilə cavab oyununa çıxıb. Bakıda keçirilən ilk oyunda 1:1 hesablı bərabərlikdən sonra səfərdə rəqibinə 2:1 hesabı ilə məğlub olan komandamız turnirdə mübarizəni dayandırıb. 
Oyunun əsas vaxtı 1:1 hesablı bərabərliklə başa çatıb. Filip Krovinoviç 19-cu dəqiqədə vurduğu qola matçın 90+3-cü dəqiqəsində “Zirə”nin futbolçusu İssa Cibrilla cavab verib. Qalibi müəyyənləşdirmək üçün oynanılan əlavə dəqiqələrdə isə meydan sahibləri fərqlənib. 93-cü dəqiqədə Yassin Benrahu qələbə topunu vuraraq “Hayduk”u növbəti mərhələyə çıxarıb. Beləliklə, Konfrnas Liqsında mübarizə aparan “Sabah” və “Araz-Naxçıvan”dan fərqli olaraq “Zirə” qitənin nüfuzlu klub turniri səhnəsində çıxışını başa vurub. 
 

View this post on Instagram

A post shared by Baki Tekstil Fabriki MMC (@btf.az)