Bu gün futbol üzrə Misli Premyer Liqasında XIII turun oyunlarına start veriləcək.

Olimpnews.az xəbər verir ki, turun ilk oyun günündə 2 qarşılaşma təşkil olunacaq. 

Meydana əvvəlcə turnir cədvəlinin 10-cu pilləsində qərarlaşan “Kəpəz” və üçüncü pillədə yer alan “Zirə” komandaları çıxacaq. Yevlax şəhər stadionunda təşkil olunacaq oyunun start fiti saat 14:00-da səslənəcək. Matçın baş hakimi Rəşad Əhmədov olacaq. 

Günün ikinci oyunu isə Tovuz şəhər stadionunda baş tutacaq. Lider "Qarabağ"dan sonra ikinci pillədə qərarlaşan “Turan Tovuz” klubu 8-ci pillədə yer alan “Neftçi”ni qəbul edəcək. Tovuz şəhər stadionunda keçiriləcək oyuna saat 18:30-da start veriləcək. Oyunun baş hakimi Fərid Hacıyev olacaq. 

Qeyd edək ki, tura noyabrın 30-da yekun vurulacaq. 

View this post on Instagram

A post shared by Baki Tekstil Fabriki MMC (@btf.az)