"Soyqırım: tarixi həqiqətlər” mövzusunda seminar keçirilib
Martın 31-də Azərbaycan İdman Akademiyasında pedaqogika üzrə elmlər doktoru, professor Dilqəm Quliyevin təqdimatında “Soyqırım: tarixi həqiqətlər” mövzusunda seminar keçirilib.
Olimpnews az xəbər verir ki, seminarın məqsədi soyqırım hadisələrinin tarixi həqiqətlərinin işıqlandırılması, bu istiqamətdə elmi yanaşmanın təşviqi və gənc nəslin məlumatlandırılması olub.
Professor Dilqəm Quliyev çıxışında soyqırım hadisələrinin tarixi köklərindən bəhs edib, onların beynəlxalq hüquq çərçivəsində qiymətləndirilməsinin əhəmiyyətini vurğulayıb. O, həmçinin bu həqiqətlərin dünya ictimaiyyətinə çatdırılmasının vacibliyini diqqətə çatdırıb, iştirakçıların suallarını cavablandırıb.
Sonda mövzu ətrafında müzakirələr aparılıb.
