CÜDO
Paylaş :
U-17 Liqa yarışının I turu start götürür
Aprelin 21-22-də yeniyetmə cüdoçular arasında U-17 Liqa yarışının birinci turu keçiriləcək. Yarış Abşeron Olimpiya İdman Kompleksində təşkil olunacaq.
Yarışda respublikanın müxtəlif bölgələrini təmsil edən 100 klub və idman cəmiyyətindən ümumilikdə 873 (693 oğlan, 180 qız) cüdoçu iştirak edəcək. Gənc cüdoçular 16 çəki dərəcəsində medallar uğrunda mübarizə aparacaqlar.
Qeyd edək ki, cari il ərzində U-17 Liqa yarışlarının dörd turunun keçirilməsi nəzərdə tutulub. Nəticələrə əsasən, idmançıların reytinq cədvəli formalaşdırılacaq və bu sistem növbəti seçim mərhələləri üçün əsas göstərici olacaq.
