Monteneqroda təşkil olunacaq böyüklər arasında cüdo üzrə Avropa çempionatında iştirak edəcək yığma komandamızın tərkibində gözlənilməz dəyişiklik baş verib. Belə ki, milli komandamızın əsas üzvlərindən biri, Paris-2024 Yay Olimpiya Oyunlarının qalibi, dünya və dördqat Avropa çempionu Hidayət Heydərov (-73 kq) səhhətində yaranan problem səbəbilə həkimlərin rəyinə əsasən heyətdən kənarlaşdırılıb.
Azərbaycan Cüdo Federasiyasından aldığımız məlumata görə, Olimpiya çempionumuzun əvəzinə bu çəki dərəcəsində ölkəmizi Rəşid Məmmədəliyev təmsil edəcək. “Böyük Dəbilqə” və Qran-Pri yarışlarının gümüş mükafatçısı olan Rəşid Məmmədəliyev, həmçinin bir sıra beynəlxalq yarışların da qalibi adını qazanıb. 
Qeyd edək ki, Monteneqorda keçiriləcək Avropa çempionatına sabah start veriləcək. Aprelin 26-dək davam edəcək fərdi yarışlarda 48 ölkədən 414 (229 kişi, 185 qadın) cüdoçu mübarizə aparacaq. Azərbaycan komandası qitə çempionatında 15 (9 kişi, 6 qadın) cüdoçu ilə təmsil olunacaq. Aprelin 27-də isə cüdoçular qarışıq komanda yarışlarında qüvvələrini sınayacaqlar. 

View this post on Instagram

A post shared by Baki Tekstil Fabriki MMC (@btf.az)