Cüdo üzrə milli komandamızın üzvü Elcan Hacıyev Macarıstanın paytaxtı Budapeştdə keçirilən böyüklər arasında dünya çempionatında bürünc medala layiq görülüb. 
Olimpnews.az xəbər verir ki, 90 kq çəki dərəcəsində qüvvəsini sınayan cüdoçumuz mübarizəyə 1/16 finaldan başlayıb. Ardıcıl olaraq  Nurbek Murtozoev (Özbəkistan), Penq-Yu Çen (Çin Taypeyi) və Adam Koreçki (Çexiya) idmançılarına qalib gəlsə də yarımfinalda yaponiyalı Qoki Tayimaya məğlub olub. Cüdoçumuz üçüncü yer uğrunda həlledici görüşdə estoniyalı Klen Kristofer Kalyulayda qalib gələrək bürünc medala layiq görülüb. 
Bu, komandamızın Budapeştdə ikinci bürünc medalı olub. Ötən gün millimizin digər üzvü Zelim Tçkayev (-81 kq) bürünc medala sahib çıxmışdı. 
Dünya çempionatının fərdi yarışlarına iyunun 19-da yekun vurulacaq. 

View this post on Instagram

A post shared by Baki Tekstil Fabriki MMC (@btf.az)