“Görüşlər çox gərgin keçdi. Finala qədər bütün qüvvəmi qorudum. Lakin qızıl medal şansını əldən verdim”.
Bu sözləri Olimpnews.az-a müsahibəsində Skopye-2025-in cüdo yarışlarının gümüş medalçısı Nuranə Hacızadə deyib. 
-48 kq çəki dərəcəsində mükafatçılar sırasında yer alan idmançı gümüş medala görə təəssüf hisslərini də gizlətməyib. 
“Əlbəttə, Vətənə qızıl medalla qayıtmaq daha yaxşı olardı. Təəssüf ki, belə bir imkanı qaçırdım. Əsas odur ki, festivalda medal əldə edən idmançılarımız sırasında mənim də adım olacaq. Əldə etdiyim mükafatı yüksək qiymətləndirirəm. Bu hələ son deyil, özümü daha mötəbər yarışlarda sınayıb, çempion tituluna yiyələnəcəyəm”, - deyə Nuranə Hacızadə bildirib.
Qeyd edək ki, Nuranə Hacızadə finalda Fransa təmsilçisi Selin İddira məğlub olaraq ikinci yeri tutub. 
 

View this post on Instagram

A post shared by Baki Tekstil Fabriki MMC (@btf.az)