Cəlilabad və Masallı rayonlarında Lənkəran-Astara Regional Gənclər və İdman İdarəsinin nəzdində Uşaq Gənclər İdman Məktəblərində idmanla məşğul olan uşaqların valideynləri ilə görüş keçirilib.

Olimpnews.az xəbər verir ki, idarə və məktəb rəhbərliyinin iştirakı etdiyi görüşdə valideynlərin övladlarının idman fəaliyyəti ilə bağlı mövcud sualları, onları narahat edən məsələlər və təkliflər geniş müzakirə olunub. Təlim-məşq prosesinin keyfiyyəti, idmançıların inkişaf dinamikası, məşqçilərlə kommunikasiya, yarışlara hazırlıq, sağlamlıq və təhlükəsizlik mövzularına xüsusi diqqət ayrılıb, eləcə  idman məktəblərində yaradılan şərait, gələcək planlar və yeniliklər haqqında məlumat verilib.

Eyni zamanda valideynlərin fikirləri  dinlənilib, onların qaldırdığı məsələlərin həlli istiqamətində addımların atılacağı  bildirilib.

Səmimi dialoq şəraitində keçən və əsas məqsəd valideynlərlə məktəb rəhbərliyi arasında əməkdaşlığı daha da gücləndirmək  olan tədbirdə Lənkəran-Astara Regional Gənclər və İdman İdarəsinin rəis müavini Könül Manafova, idman sektorunun müdiri Yusif Xamiyev və əməkdaşları, Cəlilabad və Masallı rayon sektorunun əməkdaşları və Uşaq-Gənclər İdman Məktəbinin direktorları iştirak ediblər.

View this post on Instagram

A post shared by Baki Tekstil Fabriki MMC (@btf.az)