FUTBOL
Misli Premyer Liqasında XIII tura yekun vurulacaq
Bu gün futbol üzrə Misli Premyer Liqasında XIII turun oyunlarına yekun vurulacaq.
Olimpnews.az xəbər verir ki, turun son oyun günündə daha iki qarşılaşma təşkil olunacaq.
Günün ilk oyunu Şamaxı şəhər stadionunda baş tutacaq. Turnir cədvəlinin 9-cu pilləsində qərarlaşan "Şamaxı" doğma meydanda 5-ci pillədə yer alan "Sumqayıt"la üz-üzə gələcək. Saat 14:00-da start götürəcək oyunun baş hakimi Tural Qurbanov olacaq.
Turun bağlanış oyunu isə turnir cədvəlinin 11-ci pilləsində yer alan "Qəbələ" və 6-cı sırada qərarlaşan "Araz-Naxçıvan" klubları arasında baş tutacaq. Qəbələ şəhər stadionunda keçiriləcək oyunun start fiti saat 16:30-da səslənəcək. Oyunun baş hakimi Kamal Umudlu olacaq.
Paylaş :
jpg-1764532305.jpg)
