OLİMPİZM
Qış Olimpiya Oyunlarının mükafatçısı qəzaya uğrayıb
Pekin-2022 Qış Olimpiya Oyunlarında Niderland milli komandasına konkisürmə üzrə yarışlarında gümüş medal qazandıran Jutta Leerdam avtomobillə toqquşub. İdmançının sözlərinə görə, avtomobildəki sürücü hərəkətdə telefonla danışarkən onun velosipedinə çırpılıb. 26 yaşlı Leerdam sosial mediada çənəsində və qolunda qançırlar olan video paylaşıb. “Telefonla danışarkən maşın sürən və məni vuran sürücüyə demək istəyirəm ki, narahat olmasın. Mən hələ də sağlamam”, - niderlandlı idmançı videonun altında bu sözləri qeyd edib.
Məlumat üçün bildirək ki, Pekində 1000 metr məsafəyə qaçışda gümüş medal qazanan Leerdam yeddiqat dünya və altıqat Avropa çempionudur.
Paylaş :
