Dekabrın 5-də cüdo üzrə qadınlar və kişilər arasında Azərbaycan çempionatına start verilib.

Olimpnews.az xəbər verir ki, Bakı İdman Sarayında keçirilən çempionatın ilk günündə qadınlar və kişilər arasında 7 çəki dərəcəsində 107 cüdoçu tatami üzərinə çıxıb. Qadınlarda -63 kq, -70 kq, -78 kq və +78 kq, kişilərdə isə -60 kq, -66 kq və -73 kq kateqoriyalarında mükafatçılar müəyyənləşib. İlk yarış gününün nəticələrinə əsasən Nilgün Rzayeva (63 kq), Südabə Ağayeva (70 kq), Günel Həsənli (78 kq), Mədinə Kaisinova (+78 kq), Balabəy Ağayev (60 kq), Nazir Talıbov (66 kq) və Kamran Süleymanov (73 kq) bütün rəqiblərinə qalib gələrək qızıl medallara layiq görülüb. Hazırda "Judo Club 2012" klubu 1 qızıl, 3 gümüş medalla ümumi medal sıralamasına başçılıq edir. Balaxanı İdman Mərkəzi 1 qızıl, 1 gümüş medalla ikinci, "Neftçi" İdman Klubu isə 1 qızıl, 5 bürünc medalla isə üçüncüdür. 

Qeyd edək ki, ilin son yarışında 50 klub və idman cəmiyyətindən 206 cüdoçu (154 kişi, 52 qadın) ümumilikdə 14 çəki dərəcəsində mübarizə aparır.

View this post on Instagram

A post shared by Baki Tekstil Fabriki MMC (@btf.az)