ADBTİA və Litva İdman Universiteti arasında əməkdaşlıq memorandumu imzalanıb

Azərbaycan Dövlət Bədən Tərbiyəsi və İdman Akademiyasında (ADBTİA) Litva İdman Universitetinin (LSU) rektoru professor Diana Reklaytiyene ilə görüş olub. Görüş zamanı qonağa ADBTİA-nın fəaliyyətindən bəhs edən film nümayiş etdirilib, daha sonra Elmi-tədris laboratoriyası və Multimedia mərkəzinə baxış keçirilib. Qonaq hər iki mərkəzin fəaliyyət istiqaməti barədə məlumatlandırılıb.

Litva İdman Universitetinin rektoruna ADVTİA-da təlim-tədris fəaliyyəti barədə ətraflı məlumat verilib, tələbə mübadiləsi, ikili diplom proqramları, elmi-tədris fəaliyyətinin birgə və səmərəli təşkili məsələləri müzakirə olunub.

Görüşün sonunda ADBTİA və İdman Akademiyası və Litva İdman Universiteti arasında əməkdaşlıq memorandumu imzalanıb.