Dünya çempionatının bürünc mükafatçısı “Judo Club 2012”ni təmsil edəcək

Olimpizm xəbərləri

19.10.2022, 11:58

Ölkəmizdə cüdonun inkişafına dəstək verən, yeniyetmə və gənclərin bu idman növünə yiyələnməsi üçün əlverişli şərait yaradan “Judo Club 2012” uğurlarını davamlı olaraq artırır. Peşəkar idmançıların sevimli məkanına çevrilən klubun sıralarına yığma komandanın daha bir istedadlı üzvü qoşulub. Belə ki, dünya və Avropa çempionatının üçqat bürünc mükafatçısı, beynəlxalq turnirlərin qalibi, milli komandamızın üzvü Zelim Kotsoyev bundan sonra karyerasını “Judo Club 2012”də davam etdirəcək.

Oktyabrın 18-də Zelim Kotsoyev ilə klub arasında müqavilənin imzalanması mərasimində Azərbaycan Cüdo Federasiyasının (ACF) prezidentinin müşaviri Natiq Bağırov, “Judo Club 2012” İctimai Birliyinin sədri Azər Əsgərov, klubun icraçı direktoru Mübariz Cəfərov, cüdo üzrə gənclərdən ibarət milli komandanın baş məşqçisi Elxan Məmmədov və “Judo Club 2012”nin baş məşqçisi Zaur Paşayev iştirak ediblər.

İmzalanma mərasimində çıxış edən klubun direktoru Mübariz Cəfərov Zelim Kotsoyev kimi istedadlı cüdoçunun “Judo Club 2012” ailəsinin bir üzvü olmasından məmnun olduğunu bildirib. “Zelim bu yaxınlarda Özbəkistanın paytaxtı Daşkənddə keçirilən cüdo üzrə dünya çempionatında bürünc medala sahib oldu. Onu bu uğur münasibəti ilə təbrik edirəm. Ümid edirəm ki, bu gün imzalayacağımız müqavilə həm Zelim, həm də klubumuz üçün uğurlu olacaq. Məşqlərini yüksək səviyyədə keçməsi üçün klubda hər cür şərait mövcuddur. İnanıram ki, o, qarşıdakı yarışlarda da öz uğurları ilə hər birimizi sevindirəcək. Zelimin klubla müqavilə imzalamasıhəmçinin yeniyetmə cudoçularımız üçün də bir stimul olacaq”,- deyə Mübariz Cəfərov bildirib.

Daha sonra çıxış edən ACF prezidentinin müşaviri Natiq Bağırov, Azərbaycan Cüdo Veteranları Assosiasiyasının prezidenti, klubun təsisçisi Azər Əsgərov, cüdo üzrə gənclərdən ibarət yığma komandanın baş məşqçisi Elxan Məmmədov Zelim Kotsoyevi klubla müqaviləimzalaması münasibəti ilə təbrik edərək, ona gələcək karyerasında uğurlar arzulayıblar.

Çıxışlardan sonra “Judo Club 2012”nin icraçı direktoru Mübariz Cəfərovla birlikdə müqaviləyə qol çəkənZelim Kotsoyev klubun məşqçi heyətinə və idmançılara təqdim olunub.

İstedadlı idmançı yaradılan şəraitə görə klub rəhbərliyinə minnətdarlığını bildirərək, ona bəslənən ümidləri doğrultmağa çalışacağını deyib: “Müasir standartlara cavab verən belə bir klubla müqavilə imzaladığıma görə çox şadam. Burada idmançının uğur qazanması üçün lazım olan hər bir şərait mövcuddur. Ümid edirəm ki, bu zalda məşq edərək nailiyyətlərimi daha da artıracağam”.

Qeyd edək ki “Judo Club 2012” bir müddət əvvəl yığma komandanın daha bir üzvü Tokio Olimpiadasının gümüş mükafatçısı, dünya və ikiqat Asiya çempionu Səid Mollayi ilə də müqavilə imzalamışdı.

Dİgər xəbərlər

14.05.2026, 22:58

Güləşçilərimizin Los-Anceles-2028 yolu müəyyənləşdi

14.05.2026, 21:29

Paralimpiya çempionumuz xüsusi mükafata layiq görülüb

13.05.2026, 10:35

Bu gün Azərbaycan Kubokunun qalibi müəyyənləşəcək

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

SON XƏBƏRLƏR

BÜTÜN XƏBƏRLƏR