Cüdo üzrə yeniyetmələrdən ibarət yığma komandamızın üzvü Xədicə Abdullayeva Çexiyanın Teplis şəhərində keçirilən Avropa Kubokunda mükafatçılar sırasında yer alıb. Azərbaycan Cüdo Federasiyasının mətbuat xidmətindən verilən məlumata görə, -40 kq çəki dərəcəsində qüvvəsini sınayan idmançımız gümüş medala layiq görülüb. Cüdoçumuz həlledici görüşdə polşalı Sandra Valençikə məğlub olub.
Qeyd edək ki, Avropa Kubokunda 32 ölkədən 583 (363 oğlan, 220 qız) idmançı mübarizə aparıb. Komandamız turnirdə qızların yarışında 13 idmançı ilə təmsil olunub.
jpg-1714242793.jpg)
