“Judo Club 2012”nin Avropa arenasında böyük uğurları

Olimpizm xəbərləri

07.04.2025, 14:01

Azərbaycan cüdosu son dövrlərdə beynəlxalq arenada öz gücünü daha da aydın şəkildə göstərməkdədir. Ötən həftə sonu Xorvatiyada, Polşada və Çexiyada keçirilən yarışlarda Azərbaycan cüdoçuları, xüsusilə “Judo Club 2012”nin üzvləri, parlaq çıxışları ilə diqqət çəkərək ölkəmizin idman nüfuzuna böyük töhfələr veriblər.

Xorvatiyanın Dubrovnik şəhərində keçirilən böyüklər arasında cüdo üzrə Avropa Kuboku "Judo Club 2012"nin idmançıları üçün əsl bir qələbə olub. Klubun tanınmış idmançısı Murad Fətiyev -90 kq çəki dərəcəsində bütün rəqiblərini məğlub edərək qızıl medal qazanıb. M.Fətiyev finalda Tokio Olimpiadasının gümüş mükafatçısı, almaniyalı Eduard Trippeli məğlub edərək yarışın ən yaddaqalan nəticələrindən birini əldə edib. Bu möhtəşəm qələbə həm Muradın karyerası, həm də “Judo Club 2012” üçün bir uğurdur.

Klubun digər bir uğuru, qadınların -57 kq çəki dərəcəsində yarışan Fidan Əlizadədən gəlib. O, keçirdiyi dörd görüşdə də rəqiblərinə heç bir şans verməyərək Avropa Kubokunun qalibi adını qazanıb. “Judo Club 2012”nin digər idmançıları ilə yanaşı, milli komandamızın üzvləri Aydan Vəliyeva, Kərim Allahverdiyev, Gültac Məmmədəliyeva, Kamran Süleymanov, Vüqar Talıbov və Nərmin Əmirli də müxtəlif çəki dərəcələrində mükafatlar qazanıblar. Nəticədə Azərbaycan milli komandası 39 ölkə arasında Avropa Kubokunun qalibi olub və bu böyük uğurun formalaşmasında "Judo Club 2012"nin idmançılarının böyük payı var.

Bundan əlavə, "Judo Club 2012"nin üzvləri gənclər arasında keçirilən Avropa Kubokunda da böyük uğurlar qazanıblar. Aprelin 5-6-da Polşanın Poznan şəhərində keçirilən yarışda 23 ölkədən 412 cüdoçu iştirak edib. Turnirdə Azərbaycan gəncləri 3 qızıl, 2 gümüş və 2 bürünc medalla oğlanlar arasında birinci yeri tutublar. Klub üzvlərindən Tuncay Şamil -90 kq çəki dərəcəsində gümüş medal qazanıb.

"Judo Club 2012"nin gənc yetirmələri həm də Çexiyanın Teplitse şəhərində keçirilən yarışda gözəl nəticələr əldə ediblər. Ayxan Həsənli -73 kq çəki dərəcəsində gümüş medal qazanaraq, özünün və klubunun uğurlarına bir yenisini əlavə edib. A.Həsənli bu medalı bir ay əvvəl Türkiyənin Antalya şəhərində də qazanmışdı. Klubun digər üzvü Məhəmməd Ağakişiyev isə +90 kq çəki dərəcəsində beşinci yerə yüksəlib.

"Judo Club 2012"nin üzvləri, yalnız şəxsi karyeralarında uğurlar əldə etməklə qalmayıb, həm də Azərbaycan cüdosunun beynəlxalq arenada daha da güclənməsinə böyük töhfələr veriblər.

Bu uğurların əldə edilməsində, yalnız idmançıların öz istedadı və əzmkarlığı deyil, həm də “Judo Club 2012”nin rəhbərliyi və məşqçilər heyətinin də əvəzsiz əməyi var. Klubun təsisçisi, Azərbaycan Cüdo Federasiyası İcraiyyə Komitəsinin üzvü və Azərbaycan Cüdo Veteranları Assosiasiyasının prezidenti, cüdo üzrə veteranlar arasında dünya və Avropa çempionatlarının dəfələrlə qalibi və mükafatçısı Azər Əsgərovun diqqət və qayğısı, "Judo Club 2012"nin inkişafında mühüm rol oynayıb. Onun qayğısı sayəsində klub, istedadlı cüdoçuların yetişməsində və beynəlxalq arenada uğur qazanmasında yüksək nəticələr əldə edib.

Eyni zamanda, klubun məşqçilər heyəti, xüsusilə İlqar Müşkiyev və Kifayət Qasımovanın da bu qələbələrdə əməyi danılmazdır. Onların rəhbərliyi altında, "Judo Club 2012"nin cüdoçuları yalnız ölkəmizdə deyil, həm də dünya, Avropa səhnəsində də Azərbaycanın adını ucaldırlar.

İnanırıq ki, gələcəkdə də “Judo Club 2012"nin adı dünya arenalarında daha çox hallanacaq və Azərbaycan cüdosunun uğurları davam edəcək.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR