World of Tanks onlayn oyun istehsalçıları rəsmi YouTube kanalında “Yeni il hücumu -2021” hadisəsini elan edən bir video yerləşdiriblər. Onlar oyunçuların müxtəlif hədiyyələr alacaqlarını və xüsusi bayramlarda iştirak edəcəklərini bildiriblər.
Əsas sürpriz isə əfsanəvi amerikalı aktyor və idmançı Çak Norrisin videoda yer almasıdır. Videoda o, yeni ilə hazırlıq zamanı ağacdan yerə enə bilməyən bir pişik balasını xilas etmək üçün əlindəki tankı havaya qaldırır. Videoya şərh olaraq isə “yalnız bir nəfər World of Tanks dünyasında yeni ili xilas edə bilər. Həmin şəxs artıq yoldadır”- deyə qeyd olunub.
“Qarşıdan gələn bayram mövsümünün ən qızğın vaxtında World of Tanks istehsalçıları məni başlamasına az qalan xüsusi tədbirlərinə qoşulmağa dəvət etdilər. Buna bir neçə gün qalıb. İndi hazırlaşmaq üçün ən münasib məqamdır”, - deyə Çak Norris Facebook səhifəsində yazıb.
jpeg-1712257275.jpeg)
