Taekvondo üzrə Avropa çempionatının ikinci yarış günü daha iki idmançımız mübarizəyə qoşulacaq. Kişilər arasında yarışlarda Xanoğlan Kərimov (63 kq) və Cavad Ağayev (68 kq) ölkəmizi təmsil edəcəklər. Xanoğlan Kərimovun rəqibi ukraynalı Boqdan Tikonov olacaq. Cavad Ağayev isə Gürcüstan millisinin üzvü Beka Kavtaradze ilə qarşılaşacaq.
Qeyd edək ki, komandamızın aktivində 1 bürünc medal var. Millimizə ilk medalı yarışın birinci günündə Minaya Əkbərova (46 kq) qazandırıb.
Komandamız turnirdə 11 idmançı ilə təmsil olunur. Yarışa aprelin 11-də yekun vurulacaq.
Bu gün daha iki taekvondoçumuz mübarizəyə başlayır
jpeg-1761331217.jpeg)
