Fransa millisi Millətlər Liqasının qalibi oldu

BOK

11.10.2021, 09:29

Oktyabrın 10-da UEFA Millətlər Liqasının “Dördlər finalı”nın qalibi müəyyənləşib. Turnirin həlledici görüşündə İspaniya və Fransa yığmaları qarşılaşıblar. Milan şəhərindəki “San-Siro” stadionunda təşkil olunan görüş Fransa millisinin qələbəsi ilə başa çatıb - 2:1. Parislilərin heyətində Kərim Benzema, Kilyan Mbappe fərqlənib. İspaniyalıların yeganə qolunun müəllifi isə Mikel Oyarsabal olub. Qeyd edək ki, İspaniya seçməsi yarımfinalda İtaliyanı 2:1, Fransa millisi isə Belçikanı 3:2 hesabı ilə üstələyib. Millətlər Liqasının “Dördlər finalı”nın bürünc mükafatçısı isə İtaliya millisi olub. Appeninlilər üçüncü yer uğrunda görüşdə Belçika komandasından üstün olublar - 2:1. Turindəki “Alianz” stadionunda təşkil olunan oyunda birinci hissədə hesab açılmayıb. Fasilədən sonra daha üstün oyun nümayiş etdirən İtaliya millisi matçın 46-cı dəqiqəsində hesabda önə keçib. Nikolo Barella fərqlənib. Oyunun 65-ci dəqiqəsində baş hakim Belçika seçməsinin qapısına penalti zərbəsi təyin edib. Topa yaxınlaşan Domeniko Berardi fürsəti əldən verməyib. Qarşılaşmanın 87-ci dəqiqəsində Belçika yığması qollardan birinin əvəzini çıxıb. Oyuna yenicə daxil olmuş Kevin de Brüynenin ötürməsindən sonra Şarl de Ketelare hesab arasındakı fərqi azaldıb. Qalan dəqiqələrdə hər iki komandanın qol vurmaq şansı olsa da hesab dəyişilməyib. Beləliklə, İtaliya millisi “Dördlər finalı”nın bürünc mükafatçısı olub. Xatırladaq ki, ikinci dəfə təşkil olunan “Dördlər finalı”nda ilk qalib Portuqaliya millisi olub.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR