Xəyal Caniyev WMC üzrə dünya çempionu oldu

Məşhur həmyerlimiz Xəyal Caniyev muay-tay üzrə superyarımorta çəkidə dünya çempionu adını qazanıb. O, Rusiyanın Çelyabinsk şəhərindəki “Yunost” idman sarayında keçirilən turnirdə ən nüfuzlu WMC versiyası üzrə dünya çempionu adı uğrunda döyüşdə Asiya çempionu olmuş iranlı Moctaba Taravatiyə qalib gəlib. Beş raundun hamısında əla çıxış edən “Halk” ləqəbli idmançımız ikinci raundda rəqibini noqdaun vəziyyətinə salıb. Nəticədə hakimlərin yekdil qərarı ilə qələbə Xəyal Caniyevə verilib.