Bakıda üzgüçülük üzrə Dünya Kubokunun açılış mərasimi keçirilib

Su idman növləri

01.10.2026, 19:45

Bakıda üzgüçülük üzrə Dünya Kubokunun açılış mərasimi keçirilib.

Su İdmanı Sarayında təşkil olunan tədbirdə gənclər və idman naziri Fərid Qayıbov ölkəmizdə idmanın Prezident İlham Əliyev tərəfindən dövlət siyasəti kimi müəyyənləşdirildiyini bildirib.

Onun sözlərinə görə, bu siyasətin nəticəsidir ki, ölkəmizdə hər il, hər ay idman sahəsində növbəti uğurlar əldə olunur.

Nazir, həmçinin beynəlxalq quruma və təşkilatçılara minnətdarlığını bildirib.

Azərbaycan Üzgüçülük Federasiyasının prezidenti Zaur Əliyev Dünya Kubokunun Azərbaycan idmanı üçün tarixi hadisə olduğunu söyləyib. O qeyd edib ki, 44 ölkədən 200-dən çox idmançının Bakıda bir araya gəlməyi ölkəmizə göstərilən dəstəyin təzahürüdür.

Beynəlxalq Üzgüçülük Federasiyasının prezidenti Hüseyn Əl-Müsəlləm tədbirin yüksək səviyyədə təşkilinə və qonaqpərvərliyə görə Azərbaycana təşəkkür edib. O vurğulayıb ki, bu standartda böyük bir idman yarışını ərsəyə gətirmək böyük fədakarlıq və zəhmət tələb edir.

Onun sözlərinə görə, Dünya Kuboku hər zaman dünya miqyasında ən güclü idmançıların öz ustalıqlarını göstərmələri üçün möhtəşəm platforma olub.

Federasiya rəhbəri Bakı şəhərinin və Azərbaycanın ətraf mühitin mühafizəsi sahəsində uzunmüddətli səmərəli fəaliyyətinə görə xüsusi mükafata layiq görüldüyünü elan edib: “Ətraf mühitin qorunması istiqamətində göstərdiyi uzunmüddətli səylərə görə Bakı şəhərinin və Azərbaycanın Dünya Akvatika Fondunun Ekoloji Mükafatına (World Aquatics Foundation Environmental Award) layiq görüldüyünü elan etməkdən böyük şərəf duyuram”.

Daha sonra Hüseyn Əl-Müsəlləm mükafatı Azərbaycanın ekologiya və təbii sərvətlər naziri Rəşad İsmayılova və Dünya Akvatika Fondunun prezidenti Deyl Nöubergerə təqdim edib.

Rəsmi çıxışlardan sonra Dövlət Himni səsləndirilib. Bununla da Dünya Kuboku açıq elan olunub. Tədbir bədii hissə ilə davam edib. Mərasimdə musiqili şoular nümayiş olunub.

Turnirdə 44 ölkədən ümumilikdə 216 üzgüçü mübarizə aparır.

Azərbaycanı yarışda 15 idmançı təmsil edir. Bunlar Ramil Vəlizadə, Abdurrəhman Rüstəmov, Səid Həmidov, Süleyman İsmayılzadə, Oqtay Hüseynov, Fərhad Şirməmmədli, Ramal Sadiqli, Amin Oruclu, Fatimə Alkərəmova, Məryəm Cavadova, Anastasiya Boborıkina, Anastasiya Qnusina, Mehri Abdurəhmanlı, Vlastilina Xasyanova və Yeqor Maynitskidir.

Qeyd edək ki, Dünya Kubokunun Bakı mərhələsinə oktyabrın 3-də yekun vurulacaq.

Dİgər xəbərlər

05.10.2026, 10:45

AZSİF-in idmançıları Mersində keçirilən beynəlxalq surfkastinq turnirində birinci olublar

$Azərbaycan üzgüçüləri \"İpək Yolu\" Dünya Kubokunda ölkə rekordlarını yeniləyiblər$

02.10.2026, 14:45

Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər

02.10.2026, 10:38

Üzgüçülük üzrə Dünya Kubokunda ikinci yarış gününə start verilib

01.10.2026, 19:00

Azərbaycan komandası “Mingəçevir Reqatası-2026” beynəlxalq turnirini 22 medalla başa vurub

01.10.2026, 13:52

Üzgüçülərimiz Bakıdakı Dünya Kubokunun təsnifat mərhələsində çıxış ediblər

30.09.2026, 23:11

Mingəçevirdə kayak və kanoe marafonunun təqdimatı keçirilib

30.09.2026, 21:12

“Mingəçevir Reqatası-2026” beynəlxalq turnirinin ikinci günündə komandamız 7 medal qazanıb

30.09.2026, 16:47

Füzulidə Azərbaycan Su İdmanı Federasiyasının fəaliyyətinə dair mətbuat konfransı keçirilib

29.09.2026, 23:18

Köndələn su anbarında uşaq və yeniyetmələr üçün kayak təlimi keçirilib

$ Füzulidə \"Mingəçevir Reqatası-2026\" beynəlxalq turniri öncəsi sakinlərlə görüş keçirilib $

28.09.2026, 18:29

Füzulidə "Mingəçevir Reqatası-2026" beynəlxalq turniri öncəsi sakinlərlə görüş keçirilib

21.09.2026, 10:33

Azərbaycan çempionatı başa çatıb

16.09.2026, 10:04

Sahildən balıqtutma üzrə Azərbaycan çempionatı keçiriləcək

SON XƏBƏRLƏR

BÜTÜN XƏBƏRLƏR