Ən bahalı olimpiada

16:06 14.02.2014
8806

Rusiyanın Soçi şəhəri olimpiadaya xərclənən vəsaitə görə rekord vurub. Bu barədə məlumatı Soçi-2014-ün Təşkilat Komitəsi verib.

Maraqlıdır ki, Soçi-2014 Olimpiadasına xərclənən vəsaitin həcmi 11 Olimpiya oyunlarına birlikdə sərf olunan vəsait qədərdir. Beləliklə, 11 olimpiadanın maliyyə dəyəri 35 milyard avro olduğu halda, Soçi-2014 Qış Olimpiya Oyunlarına 51 milyard avro xərclənib. Rusiyadan öncə bu sahədə rekord Yaponiya hökumətinə məxsus idi. Belə ki, Yaponiya Naqano-1998 Oyunlarına 14,6 milyard avro xərcləmişdi.

1924-cü ildən bu vaxta qədər qış olimpiadalarına xərclənən vəsaitin məbləği aşağıdakı kimidir:

I Olimpiada - Şamoni-1924 (Fransa) - 3 milyon avro

II Olimpiada - Sankt-Moris-1928 (İsveçrə) - 3 milyon

III Olimpiada - Leyk-Plesid-1932 (ABŞ) - 24 milyon

IV Olimpiada - Qarmiş-Patrinkirhen-1936 (Almaniya) - 15 milyon

V Olimpiada - Sankt-Moris-1948 (İsveçrə) - 4 milyon

VI Olimpiada - Oslo-1952 (Norveç) - 19 milyon

VII Olimpiada - Kortina-D`Ampetso-1956 (İtaliya) - 62 milyon

VIII Olimpiada - Skvo-Velli-1960 (ABŞ) - 145 milyon

IX Olimpiada - İnsburk- 1964 (Avstriya) - 39 milyon

X Olimpiada - Qrenobl-1968 (Fransa) - 1,9 milyrd

XI Olimpiada - Sapparo-1972 (Yaponiya) - 3,3 milyard

XII Olimpiada - İnsburk-1976 (Avstriya) - 189 miylon

XIII Olimpiada - Leyk-Plesid-1980 (ABŞ) - 373 milyon

XIV Olimpiada - Sarayeva-1984 (Bosniya-Hersoqovina) - 325 milyon

XV Olimpiada - Kalqari -1988 (Kanada) - 1,1 milyard

XVI Olimpiada - Alberbil-1992 (Fransa) - 2,8 milyard

XVII Olimpiada - Lillihamer -1994 (Norveç) - 1,3 milyard

XVIII Olimpiada - Naqano -1998 (Yaponiya) - 14,6 milyard

XIX Olimpiada - Solt-Leyk-Siti-2002 (ABŞ) - 1,5 milyard

XX Olimpiada - Turin-2006 (İtaliya) - 2,1 milyard

XXI Olimpiada - Vankuver-2010 (Kanada) - 5 milyard

XXII Olimpiada - Soçi-2014 (Rusiya) - 51 milyard

Qeyd: mütəxəssislər bu məbləği avro ekvivalenti ilə hesablayıblar

Qeyd edək ki, fevralın 7-də start götürən 22-ci Qış Olimpiya Oyunları fevralın 23-ə davam edəcək. Soçidə idmançıların və ziyarətçilərin təhlükəsizliyini təmin etmək üçün 37 min insan çalışır. 4 min nəfər isə könüllü şəkildə xidmət göstərir. Olimpiada üçün biletlərin qiymətləri 30-1300 dollar arasında dəyişir. Oyunlarda 88 fərqli ölkədən 3 min idmançı iştirak edir. Soçi-2014 Qış Olimpiya Oyunlarının biletlərindən 130 milyon dollar gəlir əldə edilməsi planlaşdırılır.