Azərbaycan idmançıları İslamiadada daha 9 medal qazandılar - GÜNÜN YEKUNLARI

BOK

09.11.2025, 23:26

Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında növbəti yarış gününə yekun vurulub. Olimpnews.az xəbər verir ki, yarışların altıncı günündə atletlərimiz 6 idman növündə (cüdo, üzgüçülük, ağırlıqqaldırma, stolüstü tennis, voleybol və boks) çıxış ediblər. Təmsilçilərimiz günü 1 qızıl, 2 gümüş, 6 bürünc medalla başa vurublar.

İlk yarış günündə olduğu kimi, bu gün də qazanılan medalların böyük əksəriyyəti (1 qızıl, 1 gümüş və 3 bürünc) cüdoçuların payına düşüb. Qızıl medalı komandamızın aktivinə Südabə Ağayeva (-70 kq) yazdırıb. Olimpiya mükafatçımız Zelim Kotsoyev (-100 kq) gümüş, Aytac Qardaşxanlı (-70 kq), Elcan Hacıyev (-90 kq) və Uşanqi Kokauri (+100 kq) isə bürünc medallara sahib olub.

Beləliklə, Azərbaycan cüdoçuları VI İslam Həmrəyliyi Oyunlarının fərdi yarışlarını 2 qızıl, 2 gümüş və 5 bürünc medalla başa vurublar. Yarışların ilk günündə cüdoçularımız 1 qızıl, 1 gümüş və 2 bürünc medal qazanıblar. Beləliklə, Oyunları 9 medalla yekunlaşdıran cüdo millimiz ümumi komanda hesabında üçüncü, qadınların yarışında isə ikinci yeri tutub.

Bu gün VI İslam Həmrəyliyi Oyunlarının boks yarışlarında yarımfinal döyüşlərinə də yekun vurulub. Azərbaycan millisinin 3 idmançısı qələbə qazanaraq finala yüksəlib. Məhəmmədəli Qasımzadə (60 kq) Tamer Almatrfini (Səudiyyə Ərəbistanı) ilk raundda məğlub edib. Tam üstünlüklə qalib gələn boksçumuz finalda Madiyar Daniyarovla (Özbəkistan) üz-üzə gələcək. Səidcəmşid Cəfərov (80 kq) yarımfinalda Husseyn İaşaişdən (İordaniya) güclü olub – 5:0 (30:27, 29:28, 30:27, 29:28, 29:28). O, qızıl medal uğrunda Sultan Osmanlı (Türkiyə) ilə döyüşəcək. Aynur Mikayılova (57 kq) isə Noura Abunabı (Fələstin) 5:0 (30:27, 30:27, 30:27, 30:27, 30:27) hesabı ilə məğlub edib. Boksçumuz finalda Xumorabonu Mamajonova (Özbəkistan) ilə qarşılaşacaq.

Digər boksçularımızdan Fatimə Mehdiyeva (65 kq) və Sərxan Əliyev (70 kq) İslamiadada bürünc medal qazanıblar.

Qeyd edək ki, sabah keçiriləcək final döyüşlərində Nərgiz Zeynalova (54 kq) da rinqə çıxacaq. Boksçumuzun rəqibi Ayşen Taşkın (Türkiyə) olacaq.

Azərbaycanın qadınlardan ibarət üzgüçülük yığması da Ər-Riyad-2025-də mükafatçılar sırasında yer alıb. Komandamız komanda 4x200 metr məsafəyə sərbəst üsulla estafet yarışında bürünc medala sahib çıxıb. Kişilərdən ibarət millimiz isə eyni məsafəyə mübarizədə 4-cü yerlə kifayətlənib.

Bu gün qadınlardan ibarət stolüstü tennis millimiz də uğurlu çıxışla yadda qalıb. Yığmamız C qrupundakı sonuncu matçında Pakistana 8:3 hesabı ilə qalib gələrək qrup qalibi kimi 1/4 finala yüksəlib. Növbəti mərhələdə Maldiv adaları kollektivi ilə qarşılaşan komandamız bu görüşdən də 8:3 hesabı ilə qalib ayrılaraq yarımfinala vəsiqə qazanıb. Millimiz bu nəticə ilə eyni zamanda bürünc medalı təmin edib. Komandamız sabah yarımfinalda Misir millisi ilə qarşılaşacaq.

Azərbaycan komandası günün növbəti medallarını ağırlıqqaldırma idman növündə qazanıb. Komandamızın həyətində yer alan İsa Rüstəmov (71 kq) bir gümüş və 2 bürünc medala sahib olub. Birdən qaldırma hərəkətində 147 kq ağırlığın öhdəsindən gələn idmançımız bürünc medal əldə edib. Təmsilçimiz təkanla qaldırmada 177 kq çəkini ram edərək gümüş medala yiyələnib. İsa Rüstəmov ümumilikdə 224 kq nəticə ilə üçüncü yeri tutub.

Bu gün VI İslam Həmrəyliyi Oyunları çərçivəsində voleybol yarışlarında da növbəti oyunlar keçirilib. Qadın voleybolçulardan ibarət millimiz üçüncü oyunda Türkiyə millisi ilə qarşılaşıb. Oyun rəqibin 0:3 (12:25, 8:25, 10:25) hesablı qələbəsi ilə yekunlaşıb.

Komandamız növbəti görüşünü noyabrın 12-də Əfqanıstan yığmasına qarşı keçirəcək. Qeyd edək ki, gün ərzində keçirilən yarışları Milli Olimpiya Komitəsinin vitse-prezidenti və İSSA-nın ikinci vitse-prezidenti Çingiz Hüseynzadə, MOK-un baş katibi Azər Əliyev və vitse-prezidenti Fərid Mansurov da izləyib.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR