Bakıda tarixi UFC gecəsi keçirilib

Gündəm

28.06.2026, 10:18

Mütləq Döyüş Çempionatının (UFC) Bakıda ikinci turniri keçirilib.

Milli Gimnastika Arenasında təşkil olunmuş yarışda bir-birindən maraqlı qarşılaşmalar olub.

Əsas döyüşdə Azərbaycan təmsilçisi Rafael Fiziyev meksikalı Manuel Torreslə üz-üzə gəlib. Yüngül çəkidəki görüşdə R.Fiziyev rəqibinə qalib gəlib. O, ikinci raundda M.Torresi nokaut edib.

"UFC Fight Night Baku" turnirində Azərbaycan təmsilçilərindən Tahir Abdullayev braziliyalı Cefferson Nasimentonu, Fərman Həsənov ABŞ-dən olan Erik Nolanı məğlub edib. Nazim Sadıxov isə Mateus Kamiloya (Braziliya) uduzub.

"Gecənin performansı" bonusuna dörd döyüşçü layiq görülüb. Bunlar Rafael Fiziyev, Asu Almabayev, Abdul Rahman Yahyayev və Daniil Donçenkodur. Onların hər biri 100 min ABŞ dolları məbləğində mükafat qazanıb.

Bundan əlavə, döyüşü vaxtından əvvəl başa vuran, lakin "Gecənin performansı" bonusunu qazanmayan hər bir döyüşçüyə 25 min ABŞ dolları məbləğində əlavə mükafat verilib.

Qeyd edək ki, Bakıdakı ilk UFC turniri 2025-ci ildə keçirilib.