AAF-nin prezidenti ilə Muhammed Yousef Al Mana arasında görüş keçirilib

Ağırlıqqaldırma

23.06.2026, 21:01

Azərbaycan Ağırlıqqaldırma Federasiyasının (AAF) prezidenti Kamran Nəbizadə Bakıda səfərdə olan Asiya Ağırlıqqaldırma Federasiyasının və Qətər Ağırlıqqaldırma Federasiyasının prezidenti Muhammed Yousef Al Mana ilə görüşüb.

Olimpnews.az xəbər verir ki, AAF-ın vitse-prezidenti Firdovsi Umudovun da iştirak etdiyi görüşdə bir sıra məsələlərə dair fikir mübadiləsi aparılıb.

Səfəri haqqında məmnunluqla danışan qonaq, Azərbaycanın nümunəvi idman ölkəsi olduğunu diqqətə çatdırıb. AAF prezidenti Kamran Nəbizadə, Muhammed Yousef Al Mananı Bakıda görməkdən məmnun olduğunu bildirib. Federasiya prezidenti qeyd edib ki, Azərbaycanda idman sahəsinə, o cümlədən ağırlıqqaldırma növünün inkişafına dövlət səviyyəsində qayğı göstərilir.

K. Nəbizadə xatırladıb ki, Azərbaycan Beynəlxalq Ağırlıqqaldırma Federasiyasının Avropa üzrə Mərkəzi statusuna sahibdir və bu mənada qarşılıqlı təmasların genişləndirilməsi xüsusi əhəmiyyət daşıyır. Bu müddət ərzində bir neçə ölkənin idmançılarının Bakıda təlim-məşq toplanışı keçdiyini vurğulayan K. Nəbizadə təcrübə mübadiləsinin vacibliyini diqqətə çatdırıb.

Görüş qarşılıqlı fikir mübadiləsi ilə davam edib.

Dİgər xəbərlər

23.06.2026, 03:51

Usta ağırlıqqaldıranlarımız Avropa çempionatında iştirak edirlər

15.05.2026, 18:21

Məktəblilərin Respublika İdman Olimpiadasına hazırlığı müzakirə olunub

08.09.2024, 17:05

Federasiya prezidenti türkiyəli həmkarı ilə görüşüb

SON XƏBƏRLƏR

BÜTÜN XƏBƏRLƏR