DÇ-2026: Argentina əzmkar qələbə ilə 1/4 finalda

Futbol

07.07.2026, 22:10

Futbol üzrə dünya çempionatında 1/4 final mərhələsinin daha bir iştirakçısı müəyyənləşib.

Olimpnews.az xəbər verir ki, bu, Misir komandası ilə oyunda əzmkar qələbə qazanan Argentina millisi olub. Atlanta stadionunda keçirilən dramatik qarşılaşma cənubi amerikalıların 3:2 hesablı qələbəsi ilə başa çatıb. Oyunda hesabı fironlar açıb. Yasser İbrahim 15-ci dəqiqədə fərqlənib. İkinci hissədə misirlilər daha bir dəfə rəqib qapısına yol tapıb. Qarşılaşmanın 67-ci dəqiqəsində Mustafa Ziko Afrika təmsilçisinin üstünlüyünü iki topa çatdırıb. Lakin buraxılan ikinci qoldan sonra Argentina komandası matçda geridönüş etməyi bacarıb. Əvvəlcə Kristian Romero (79) ardınca isə Lionel Messi (83) fərqlənib. Cənubi Amerika təmsilçisinə qələbə qazandıran qolun müəllifi isə Enzo Fernandes olub. O, 90+3 dəqiqədə rəqib qapısına yol tapmaqla komandasını 1/4 finala çıxarıb.

Qeyd edək ki, Argentina komandası 1/4 final mərhələsində İsveçrə - Kolumbiya cütünün qalibi ilə qarşılaşacaq.