"Zirə" Konfrans Liqasının növbəti mərhələsində

$\"Zirə\" Konfrans Liqasının növbəti mərhələsində $

Futbol

16.07.2026, 21:56

Futbol üzrə UEFA Konfrans Liqasında ölkəmizi təmsil edən "Zirə" klubu I təsnifat mərhələsində cavab oyununa çıxıb.

Olimpnews.az xəbər verir ki, qəsəbə təmsilçisi Gürcüstan səfərində Bakıda 3:0 hesabı ilə məğlub etdiyi "Torpedo" kollektivi ilə üz-üzə gəlib. Kutaisidəki "Şengeliya Arena"da keçirilən qarşılaşmada Rəşad Sadıqovun baş məşqçisi olduğu kollektiv bu dəfə də rəqibinə heç bir şans verməyərək 3:0 hesablı qələbə qazanıb. Komandamızın heyətində Eren Aydın 25-ci və 70-ci dəqiqələrdə dubla imza atıb. Digər qolu isə 39-cu dəqiqədə Amin Seydiyev vurub.

Beləliklə, ilk oyunda əldə olunan 3:0 hesablı üstünlüklə birlikdə iki matçın ümumi nəticəsində 6:0 hesabı qeydə alınıb və "Zirə" II təsnifat mərhələsinə yüksəlib.

Azərbaycan təmsilçisinin növbəti rəqibi Estoniyanın "Payde" klubu olacaq. Komandalar arasında ilk görüş iyulun 23-də, cavab qarşılaşması isə iyulun 30-da baş tutacaq.