jpg-1611054999.jpg)
Gəncə Şəhər Gənclər və İdman Baş İdarəsinin rəisi Həmid Nəsirov və kollektivi Baş İdarə nəzdində fəaliyyət göstərən Uşaq Gənclər İdman Məktəbinin yetirməsi, gənc futbolçu, Vətən müharibəsi iştirakçısı Qəhrəmanov Sərxan Mahmud oğlunu ziyarət ediblər. Ziyarət zamanı rəis H.Nəsirov Azərbaycan Respublikası Silahlı Qüvvələrinin Ali Baş Komandanı İlham Əliyevin rəhbərliyi ilə müzəffər Azərbaycan Ordsunun şücayəti nəticəsində işğaldan azad olunmuş torpaqlarımızın Azərbaycan xalqı üçün ən böyük sevinc və qürur hissi olduğunu qeyd edib və şəhid olan hərbi qulluqçuların qəhrəmanlığı barədə ətraflı məlumat verib.
Sərxan Qəhrəmanov yoldaşları ilə birlikdə keçdiyi döyüş yolundan fəxrlə danışaraq, igid Azərbaycan oğullarının vətənpərvərliyini xüsusilə vurğulayıb. UGİM-nin futbol bölməsi üzrə baş məqçi-müəllimi, Respublikanın Əməkdar məşqçisi Məhəmməd Məmmədov Sərxan və Ələddin qardaşlarının yeniyetmə vaxtlarından futbolda böyük uğurlu nəticələr əldə etmələri haqqında söz açıb.
Xatırladaq ki, Sərxan Qəhrəmanovun qardaşı, hal-hazırda müddətli həqiqi hərbi xidmət keçən hərbi qulluqçu, Vətən müharibəsi iştirakçısı Ələddin Qəhrəmanov da Baş İdarə nəzdində Uşaq Gənclər İdman Məktəbinin futbol üzrə bölməsinin məzunudur və döyüşlərdə Topçu kimi qəhrəmanlıq nümunəsi göstərdiyi üçün cənab Azərbaycan Prezidenti cənab İlham Əliyev tərəfindən “Füzulinin azad olunması görə” və “Xocavəndin azad olunması görə” medalları ilə təltif edilib.
