Gənc cüdoçularımız dünya çempionatında uğurla çıxış etdilər

Gənc cüdoçularımız dünya çempionatında uğurla çıxış etdilər

İtaliyanın Olbia şəhərində gənclər arasında cüdo üzrə dünya çempionatı keçirilib. 72 ölkədən 490 (282 oğlan, 208 qız) cüdoçunun iştirak etdiyi yarışda Azərbaycan idmançıları da  qüvvələrini sınayıblar. Cüdoçularımız turniri bir gümüş və bir bürünc medalla başa vurublar.
Komandamıza gümüş medalı 60 kq çəki dərəcəsində çıxış edən Turan Bayramov qazandırıb. İdmançımız həlledici final görüşündə gürcüstanlı cüdoçu Giorgi Sardalaşviliyə məğlub olub.
Yığmamızın digər üzvü Elcan Hacıyev (81 kq) isə bürünc medala sahib çıxıb. Cüdoçumuz yarımfinaladək uğurla irəliləsə də, bu mərhələdə rusiyalı idmançı Adam Tseçoyevə məğlub olub. Bürünc medal uğrunda görüşdə rəqibi qazaxıstanlı Ayan Bayqaziyə ipponla qalib gələn E.Hacıyev dünya çempionatını üçüncü pillədə başa vurub.