İyirmi qat “Böyük dəbilqə” çempionu, İsveçrə tennisçisi Roje Federer sentyabrın sonunda Londonda keçiriləcək “Laver” kubokunda çıxışı ilə karyerasını başa vuracağını açıqlayıb. Bu barədə tennisçi sosial şəbəkədə məlumat verib.
Qırx bir yaşlı R.Federerin sözlərinə görə, sağlamlığı ona karyerasını davam etdirməyə imkan vermir. O, bəzən tədbirlə bağlı matçlarda kortlara çıxacağını istisna etməyib. Lakin bundan sonra beynəlxalq yarışlarda oynamayacağını vurğulayıb.
Qeyd edək ki, Roje Federer karyerası ərzində Peşəkar Tennisçilər Assosiasiyasının (ATP) 103 titulunu qazanıb. O, səkkiz dəfə “Uimbldon” və altı dəfə Avstraliya Açıq turnirlərinin, beş dəfə ABŞ Açıq çempionatının qalibi olub.
Roje Federer karyerasını başa vurur
