jpg-1715376371.jpg)
Qazaxıstanın paytaxtı Astanada keçirilən cüdo üzrə “Böyük Dəbilqə” turniri davam edir.
Yarışın ikinci günündə 2 çəki dərəcəsində daha 4 cüdoçumuz qüvvəsini sınayacaq. Təmsilçilərimizdən Rəşid Məmmədəliyev, Vüsal Qələndərzadə (hər ikisi -73 kq), Ömər Rəcəbli və Məhərrəm İmamverdiyev (hər ikisi -81 kq) tatami üzərinə çıxacaq.
Xatırladaq ki, yarışın ilk günündə komandamızın üzvü Kamran Süleymanov -66 kq çəki dərəcəsində bürünc medal qazanıb.
84 ölkədən 450 (235 kişi, 215 qadın) cüdoçunun mübarizə apardığı yarışa mayın 12-də yekun vurulacaq.
