Yubileylərə həsr olunan sərbəst güləş üzrə Respublika turnirinə start verilib

BOK

10.07.2025, 16:08

Azərbaycan Milli Mətbuatının 150, Azərbaycan Memarlıq və İnşaat Universitetinin 50, Azərbaycan İdman Jurnalistləri Assosiasiyasının (AİJA) 30 illik yubileyləri münasibətilə sərbəst güləş üzrə yeniyetmə və gənclər arasında Respublika turnirinə start verilib.

Olimpnews.az xəbər verir ki, AİJA-nın Milli Olimpiya Komitəsi və Azərbaycan Güləş Federasiyası ilə birgə təşkil etdiyi yarışın açılış mərasimi Azərbaycan Memarlıq və İnşaat Universitetinin İdman Korpusunda baş tutub.

Açılış mərasimində Azərbaycan Memarlıq və İnşaat Universitetinin tədris işləri üzrə prorektoru Akif Qasımov, sosial məsələlər və ictimaiyyətlə əlaqələr üzrə prorektor Orxan Naqdiyev, Milli Olimpiya Komitəsinin (MOK) idman idarəsinin müdiri Həsənağa Rzayev, MOK-un mətbuat katibi, “Olimpiya dünyası” qəzetinin baş redaktoru, Əməkdar jurnalist Murad Fərzəliyev, AİJA-nın prezidenti Eldar İsmayılov, vitse-prezidenti Ramin Allahverdiyev, Olimpiya mükafatçısı Hacı Əliyev və digər şəxslər iştirak ediblər.

Tədbir idmançıların təqdimatı ilə başlayıb.

Turnirin əhəmiyyətindən bəhs edən Memarlıq və İnşaat Universitetinin tədris işləri üzrə prorektoru Akif Qasımov burada mübarizə aparan güləşçilər arasından dünya, Avropa və Olimpiya çempionları çıxacağına inandığını bildirib. Ölkə rəhbərliyinin idmana qayğısını yüksək qiymətləndirən A. Qasımov bunun uğurlu nəticələr qazanılmasında böyük rol oynadığını vurğulayıb.

AİJA-nın prezidenti Eldar İsmayılov hər üç yubiley münasibətilə müvafiq qurumları təbrik edib, yarışda iştirak edən sərbəst güləşçilərə uğurlar arzulayıb.

Milli Olimpiya Komitəsinin mətbuat katibi, “Olimpiya dünyası” qəzetinin baş redaktoru, Əməkdar jurnalist Murad Fərzəliyev Respublika turnirində qüvvəsini sınayan yeniyetmə və gənc idmançıların gələcəkdə böyük uğurlara imza atacaqlarına inamını ifadə edib.

Ardınca Memarlıq və İnşaat Universitetinin 50 illik yubileyi münasibətilə MOK-un adından təhsil ocağına xatirə hədiyyəsi təqdim olunub.

Azərbaycan Güləş Federasiyasının sərbəst güləş üzrə koordinatoru Hacı Əliyev çıxış edərək, yarışın önəmini vurğulayıb, idmançılara öz tövsiyələrini verib.

Sonra Memarlıq və İnşaat Universitetinin müxtəlif yarışlarda uğur qazanan idmançı tələbələri mükafatlandırılıblar.

Rəsmi hissə başa çatdıqdan sonra Respublika turniri start götürüb.

Qeyd edək ki, turnirdə ölkənin müxtəlif bölgələrini təmsil edən 200-ədək yeniyetmə və gənc güləşçi iştirak edir.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR