Avropa çempionatı: Əli Baxışov finala vəsiqə qazanıb, Banuçiçək Nəsirli bürünc medala sahib olub

Boks

Bugün, 12:08

Azərbaycan boksçusu Əli Baxışov Serbiyanın Loznitsa şəhərində keçirilən U-19 Avropa çempionatında finala yüksəlib.

Olimpnews.az Azərbaycan Boks Federasiyasının mətbuat xidmətinə istinadən xəbər verir ki, 60 kq çəkidə mübarizə aparan millimizin üzvü yarımfinalda Furkan Avarla (Türkiyə) döyüşüb.

Hər 3 raundu xeyrinə bitirən təmsilçimiz qələbə seriyasını davam etdirib. Baxışov rəqibinə bu dəfə 3:2 (28:29, 30:27, 29:28, 30:27, 28:29) hesabı ilə qalib gəlib.

Boksçumuz finalda Daniele Fabi (İtaliya) ilə münasibətinə aydınlıq gətirəcək.

Yarımfinalda Banuçiçək Nəsirli (48 kq) isə Ellen Coysla (İrlandiya) gücünü yoxlayıb. Rəqib finala vəsiqə qazandığından boksçumuz çempionatı bürünc medalla bitirib.