Hidayət Heydərov: “Zəfər Günündə komandamıza ilk qızıl medalı qazandırmaq mənim üçün ikiqat bayramdır” - MÜSAHİBƏ

BOK

08.11.2025, 23:13

Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında Azərbaycan komandasına ilk qızıl medalı cüdo üzrə Avropa, dünya və Olimpiya çempionumuz Hidayət Heydərov qazandırdı. Mükafatlandırma mərasimindən sonra idmançımız sevinc təəssüratlarını Olimpnews.az saytı ilə bölüşdü. Hidatət Heydərovla müsahibəni oxucularımıza təqdim edirik.

- Hidayət, Zəfər Günündə qazandığın qələbə bu günü daha da mənalı etdi. Hansı hissləri keçirirsən? - Zəfər Günündə komandamıza VI İslam Həmrəyliyi Oyunlarının ilk qızıl medalını qazandırmaq mənim üçün ikiqat bayramdır. Çox gözəl hisslər keçirirəm. Hər rəqibə qarşı ciddi hazırlaşmışdım. Baxmayaraq ki, ilk iki görüşdə rəqiblərim nisbətən zəif idmançılar idi, amma mən hər bir görüşə final kimi baxıram. - Səni evdən ilk kim təbrik etdi? - Düzünü desəm, hələ telefona baxmağa imkan tapmamışam (gülümsəyir). - Son vaxtlar əvvəlki formanı bərpa etmisən. Amma Paris Olimpiadasından sonra bir qədər eniş dövrü keçirdin. Bu uğursuzqluqlar finalda sənə mənfi təsir etmədi? - Xeyr, final görüşlərində adətən çox rahat oluram. Əsas gərginliyi ilk görüşdə keçirirəm. Həmin psixoloji gərginliyi isə Meksikadakı yarışda aradan qaldırdım. Ona görə bu dəfə özümü çox rahat hiss edirdim. - Sən finallarda nadir hallarda məğlub olursan. Bu uğurlu seriyanı davam etdirmək mümkündürmü? - Təbii ki, məğlubedilməz idmançı yoxdur. Amma çalışacağam ki, bu seriya sona qədər davam etsin. Finallarda qalib gəlmək xüsusi hissdir və mən o hissi çox sevirəm. - Səni Azərbaycandan izləyən və dəstəkləyən milyonlarla azarkeşə nə demək istərdin? - Məni izləyən, mənə inanıb dəstək olan hər kəsə təşəkkür edirəm. Qələbələrimdə onların payı böyükdür. Sağ olun ki, hər zaman yanımdasınız.

Azər Əlizadə

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR