Abad məhəllələrdə basketbol yarışları başa çatıb

Basketbol

06.05.2026, 17:41

Bakı Şəhər İcra Hakimiyyəti (BŞİH), Regional İnkişaf İctimai Birliyi və Bakı Şəhər Gənclər və İdman İdarəsinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunan Bakı şəhər rayonlarını əhatə edən məhəllələrarası 3x3 basketbol turnirinə yekun vurulub.

Olimpnews.az xəbər verir ki, BŞİH-in mətbuat xidmətindən verilən məlumata görə, 2011-2012-ci il təvəllüdlü yeniyetmələr arasında keçirilən, rayon və şəhər olmaqla 2 mərhələdən ibarət olan turnirin keçirilməsində əsas məqsəd yeniyetmə və gənclərdə idmana marağın artırılması, sağlam həyat tərzinin təbliği, eyni zamanda, gündəlik fəaliyyətlərini daha səmərəli qurmalarına dəstək olmaqdır.

Olimpiya sistemi üzrə keçirilən yarışlarda ümumilikdə 600-ə yaxın gənc idmançının yer aldığı 120 komanda iştirak edib.

Final oyununun əvvəlində populyar müğənnilər Çinarə Məlikzadə ilə İlhamə Qasımova idmançılar və tədbir iştirakçıları qarşısında çıxış edərək öz ifaları ilə gənc basketbolçuları qələbəyə səsləyiblər.

Respublika səviyyəli hakimlərin iştirak etdiyi turnirə mayın 5-də final oyunları ilə yekun vurulub. Final oyununda Nizami rayonunun basketbolçuları Binəqədi rayonunun komandası ilə görüşüblər. 16-13 hesabı ilə qalib gələn Nizami rayonunun komandası turnirin qalibi olub. 3-cü yeri isə Yasamal rayonunun komandası tutub.

Turnirin qalibləri kubok, diplom, medallar və qiymətli hədiyyələrlə mükafatlandırılıblar.

Dİgər xəbərlər

$\"Neftçi\"nin 3x3 basketbol komandası Dünya Seriyasının ilk oyununda qələbə qazandı$

Bugün, 12:05

"Neftçi"nin 3x3 basketbol komandası Dünya Seriyasının ilk oyununda qələbə qazandı

$\"Neftçi\" Dünya Seriyasında mübarizəyə başlayır$

Bugün, 09:55

"Neftçi" Dünya Seriyasında mübarizəyə başlayır

SON XƏBƏRLƏR

BÜTÜN XƏBƏRLƏR