Türkiyəli həndbolçu zəlzələ nəticəsində həlak oldu

Türkiyəli həndbolçu zəlzələ nəticəsində həlak oldu

Həndbol üzrə Türkiyə millisinin kapitanı Cemal Kütahya baş vermiş zəlzələ nəticəsində həlak olub. Bu barədə Türkiyə Həndbol Federasiyası məlumat yayıb.

Bildirilib ki, Cemal Kütahya 5 yaşlı oğlu Çınar Kütahya ilə birlikdə Hataydakı evində dağıntılar altında qalaraq ölüb. O, "Hatay Büyükşehir Belediyesi Spor” klubunda çıxış edib.

Mərhumun dağıntılar altında qalan həyat yoldaşı və qayınanasının axtarışı isə davam etdirilir.

Qeyd edək ki, son məlumata görə, zəlzələ nəticəsində 31 643 nəfər ölüb, 80 278 nəfər isə yaralanıb.